Wat 'n spil, want 'n spiL .. . He'j het al eheurd? Heb iele unit noar RTV-Oost ekekken, vanoawnd? Keal, keal, ik steun der van te kieken .... Iej kent toch 'n Watertoren van Vrezenvenne wal? Now -, hooldt de gedachen der dan mear good biej ... Ik zal proberen biej het begin beginnen .... Doar kömmen twee zaken tegelieke an de orde: de Waterleidingmaatschappij Vitens wol den watertoren wal kwiet, en toen is den watertoren verkoch an de een of aandere werkgroep, mear dee hebt 'n toren stiekem duurverkoch an nen Broabaantsen moatschap met de naam Family Farmers en dee harren het in de musse urn doar nen voarkensflat van te maken. Want in Vroomshoop kregen ze gin been an de groond, doar harren ze een actiecomité met as vuurzitter Jan Vealdhoes en dee gungen tot an de heugste instanties en nou zeent ze biej de Provincie nog an het bekieken woedäonig ze de Vroomshopers nen loer köant drejen.
Mear intusken gungen ze dus gangs met den watertoren van Vrezenvenne. Met ne heugte van roem 40 meter kö'j doar heel wat biggen in kwiet. Non mu'j de bouw van zonnen varkensflat nit oonderschatten.
'n Groten watertank mos oet den toren verhuzen noar nen enorm en gierkealder vlak nöast 'n toren, 'n heanig zwembad. Doar kom ne lifte an de boetenkaante urn de vaarkens vanof de oonderkaante noar böawten of wier noar dealten te brengen; biej elke etage mos d'r een boetenbalkon kommen dat de voarkens ook mangs efkes friske loch kriegt.
En dan dee silo-piepen vuur het voarkensvoor, en wat ducht oe van de rioolbuizen noar 'n kealder, vuur alle miege en driete. En ne kantine vuur het personeel, affijn, een heel gedoo.
Mear vuur het zo wied was, gung d'r nog heel wat water duur het kanaal van Almelo noar de Haandrik,.
Keal keal, wat gungen de burgers het an! Zovölle vaarkens op ene stea? In den mojen watertoren? Temee kree'j nen staank, den kö'j roeken vanofhet oosteinde tot an het westeinde van dee lange stroate den dwas duur Vrezenveen hen 16p, van Oost noar het Midden en dan noar 't Westen op an.
En dan al dat bulktransport oawer de Vrezenvense weage, en vergett nit de export van al dee biggen noar het abattoir. Skoonwal, dee Broabaanders harren ook al in de musse urn d'r een abbattoir biej an te bouwen, dan was het allemoale ene möaite.
Doar zol dan ook nog een restaurant biej kommen, dan kö-j het vleais op de steap- etten, wat wo'j nog mear. Doar waren zelfs al plannen urn in het restaurant zelfnöast de et-töafelkes op de stea 'n klean bigjen te slachen, dan konden de leu zelf zeen hoe de carbonades wörren terechte emaakt.
De procedures gungen heel normaal, wat der dus op dale köm dat der völle inspraak was mear dat het wal precies zo gung as de politiek dat har bedisseld. De leu baalden as nen stekker, benaamd de bio-boeren, dee aait al oorlog harren met de plaankgas- agrariërs. En wat dacht iej van de nöaste noabers, dee vöchen
oonder anvoering van Hendriene Vjennerink, een machtig mölenpeard, oonder het motto "tegen zeug en meug" alle besloeten an; ze harren weainig vertrouwen in de toozegging dat de niejste staankfilters alle Boldoot 4711 vaste heulden.
Ze harren in alle staten evöchen tot an de Raad van State too mear het project gung gewoon duur, ze kregen 30.000 biggen op de inburgeringscursus. 'n J oar laank kömmen doar vrachwagens met stoal en beton en bewapeningsdroad, doar gungen extra heaipöale de groond in, 't was ne brekkerieje van woonder en geweald, en toen köm d'r nog nen machtige of rastering urn 't spil hen van tekkedroad, en hoog gaas, en nen ummegegaank vuur heunde met een gleujnig stoark gebit. 't Leek wal nen kerncentrale, met al
dee bewakingscamera's.
Dee heunde, dat waren pitbull-terrires. "Ze harren allemolae nen naam,um ze oet mekoar te hooIden, an een plastic plaatje, iej konden het dudelijk leazen. Den eersten dree waren reus, ze hetten Jan Veldhuis, en dan ha'j nog nen Douwe Bouma, ne Piet Jansen en ne tewe met de naam Ank Bijlevelt.
En toen was het spil kloar. En wör het tied vuur de opening met een groot feest. Dee Broabaanders harren het good an epakt. Ze harren alle noabers bezoch, ze harren kennis emaakt, ze harren zowoar een pöar wöare Twents eleard, ze keanden een poar sprekwöare oawer biggen, en dat kleunk wal vrömd, met
zonne zachte 'g', "miej ducht dat de bigkes biej oe oawer 'n zoomp hen kiekt", har zonnen doctor Vlimmen tegen Hendriene Vjennerink ezeg. Mear zee was ook nit verleagen urn een wierwoord en gaf urn dreks beskeed: "pas iej mear op dat den Bavariabalg van oe nit nog vearder oawer 'n boksenreem hen kokket, iej mossen oe skamen," har zee ezegd. Tja, nit vuur niks steet in de spreuken: "de leeuwin heeft gebruld ~ wie zou niet vrezen?"
De noabers mochen 's nommedeangs kommen, dan kregen ze een buffet van alle soorten voarkensvleais en dan mochen ze alns bekieken. De tiendoezend biggen leaden al op de betonreusters, de ammoniakdaampen gungen al opwaarts en vormden mooie wolken boawen 'n weatertoren, en 'n gierkealder depe in de groond begun al mooi vol te lopen.
De noabers mochen 'n watertoren nen niejen naam gewen, ze mochen kiezen oet". "De Knorhof', "Porc Plaza" , "Pig City" , Big Visser, of "VJ' enne- Schweinerei" .
Zelfs May Weggen, de commissaris van de koningin in Brabant, schreef nen breef met dankbetuiging mede namens die Brabantse family-farmers in verband met de harmonische realisatie van dit innovatieve agroproduktiepark. Brabantia exit.
Mear 's moarns kömmen eerst de big bonzen, de heugere leu, zogezegd, de leu van de politiek, de internationale slagersvakboond, de directeuren van 't voarkens-melfebriek; en van lege tot hoge: 'n gemeenteroad, B & W, de Gedeputeerden, 'n Commissaris van de Koneginne, Ank Bijleveld, en verestig
ook 't Oold Kamerlid Annie Schreijer compleet met kokkentoafel. 't Was urn te janken. en zelfs 'n staatssecretaris die peerdekeal Henk Bleeker met zinne bolle hangwangen.
En loa'w Sabine Oetslag nit vergetten, zee steun d'r ook biej te glemmen, in blijde verwachtring, zee had ter de boek nog niet van vol. En das'j ha'j nog een vrouwmeanske, den steun ook wat ampat an de ziedkaante, asof ze d'r nit heemoas biejheurden, met wat noavraog wör dudelijk dat zee ne eenmansfractie har in 'n road. Zee har de repen wal goar. 'n Heel gezealskop, met auto's met chauffeur, de koetse van de
Ruslaandreaizigers, ne riege bulktransport-wagens, 't tuften almoal duur Vrezenvenne hèn, richting Watertoren.
De hoge pieten kregen ees nen borrel op de böawnste verdepege. Doar waren toespraken en doar mos een leent worden duur eknipt. Dat kom Visser too, Come1is Visser. Hee keek nog efkes of hee wal vol in beeld steun van de cameranman van R TV -Oost, mear hee har nit erekkend met oold-borgemeaster Kobes van Wierden, den op het geschikte momeant nen sproonk dee, zodat Kobes vol in beeld was, en Visser oams achter urn onzichtboar met de skeare in het leent steun te happen.
Doarnoa zakten ze of noar dealten, langs de voarkenskooien, efkes op de boetenbalkons, geneten van 't oetzicht op de boetenstoanders dee achtrer 'n droad steunden te wochen tot zewe ook 'n moal an de buurte zollen kommen, en toen gung het gezelskop noar 'n kealder, woer de gier en alle aandere output volkomen biologisch verantwoord wör verwoarkt.
Doar was een klean probleem: het ammoniakgas wör nog nit good vot ezöagen, en doar was d'r ene van dee politici den vergetten was zinne segoare oet te drukken, wat mean ie? Hee haalden verestig krek doar in den kealder 'n anstekker oet 'n tuk en gaf de segoare een vlämke. Sommige politici deankt non eenmoal dat ze mear mangt as gewone leu. 'n Ammoniak har mear ne halve seconde neurig urn oet mekaander te plearen met nen verscrhrikkelijken knal en zo gung alns de loch in, 'n kealder, alle etages, wat zeg ik? 'n Kompleten toren gung as nen droonken V-2 de heugte in met alns d'r op en d'r an, inclusief alle politici en 30.000 biggen. Gelukkig was d'r van persoonlijke oongelukken gin sprake, tenminsten,dat zea nen verslaggever van R TV -Oost, den later nog völle geald kreeg vuur 't videootje dat-e doar steun op te nemmen. Het was, zo zea den keal, een ongelukkig accident in de collectieve sector.
Gin meanske realiseerden zich op dat momeant dat Oaveriessel zoonder bestuur zat. Alle gedeputeerden de loch in, inlcusief de commissaris en alle bestuurders van heel Twenterand Ne halve minute later daalden doar van alns op de groond, völle bölle vleais, spare-ribs, karbonaadjes, vrömd gevormde gehaktbälle, schnitzels en varkenshaasjes, en de leu begunnen al te graaien tot ze het besef kregen dat het
ook wal ees gin voarkensvleais kon wean ....
Ene bekeek nen bol vleais,. Het leek wal op 'n skoolderkarbonade, mear toen hee ne vrömde bolle hangwange zag van de gewezen staatssecreataris, as deel van nen schnitzelwör-e nog bleker dan Bleeker zelf, en toen begun- e te spiejen oawer lädder en plaanken. Nee, het feest was vuurbiej. Op de stea van 'n Watertoren köm ne plaquette. Met ne kotte sprökke:

wat zear, wat zear,
hoogmood keump vuur 'n plear
voarkensflats .... dat doo-w nit mear .. ..

Ongeruste burgers uit verschillende provincies, verenigd in stichting Leefbaar Buitengebied, hebben op maandag 6 juni een 'Megadossier' aangeboden in Den Haag. Ook groepen uit de gemeente Twenterand, Dinkelland, Tubbergen, Olst/Wijhe en Hellendoorn waren hierbij aanwezig. Het dossier werd overhandigd aan voormalig minister Hans Alders die de Brede Maatschappelijke Discusssie over megastallen leidt.

'We willen Alders duidelijk maken dat een dialoog helemaal niet nodig is, omdat we die al jaren voeren. Het maatschappelijke verzet is sterk en wordt steeds krachtiger. Met een dialoog is dat niet in te tomen', aldus woordvoerder Sonja Borsboom van Stichting Leefbaar Buitengebied.

Het megadossier is de weerslag van verschillende groepen burgers die zich al jaren inzetten tegen de komst van megastallen in hun provincie. Door het indienen van burgerinitiatieven, het voeren van Europese, landelijke, provinciale en gemeentelijke protestacties en juridische procedures willen zij de schaalvergroting in de veehouderij een halt toe roepen.'Het ministerie had zich de hele dialoog kunnen besparen als zij de moeite had genomen zich te verdiepen in wat er in de provincies leeft. We willen Bleker en de Tweede Kamer duidelijk maken dat er al genoeg dialoog is geweest. Het is duidelijk: wij kiezen wél voor boeren, maar tégen megastallen in onze provincie', aldus Borsboom.De aanbiedingsactie vond plaats op het Plein in Den Haag. Het megadossier werd aangeboden in een kruiwagen aan dhr. Alders. Ook tweede Kamerleden waren aanwezig bij de actie.

Stichting Leefbaar Buitengebied is een overkoepelende organisatie van en voor bewoners van het buitengebied en kleine kernen. De Stichting zet zich met name in voor de kwaliteit van het buitengebied, onze leefomgeving. De belangrijkste provincies op het gebied van veehouderij zijn hierin vertegenwoordigd: Megastallen-nee uit Noord-Brabant. Stichting VROM? uit Overijssel, Behoud de Parel uit Limburg, en Mooij Land uit Gelderland.

zie foto's